Listaklúbburinn dregur nafn sitt af Selmu Jónsdóttur listfræðingi (1917-87) sem var safnstjóri Listasafns Íslands 1950-87 og öflugur frumkvöðull í kynningu á myndlist hérlendis.
Listaklúbburinn er fyrir fólk sem vill kynna sér myndlist og fylgjast vel með þeim sýningum sem eru í safninu.

Listaklúbbur SELMA er klúbbur áhugafólks um myndlist. Félagsaðild veitir aðgang að sérsniðinni leiðsögn og fyrirlestrum í safninu, ásamt skipulögðum ferðalögum í tengslum við listviðburði í öðrum söfnum. Félagar fá afslátt í Safnbúð og jafnframt 25% afslátt af sýningarskrá viðkomandi sýningar. Sækja má um aðild að klúbbnum á vefsíðu safnsins, www.listasafn.is, eða með tölvupósti á selma@listasafn.is.

Fríðindi með árskorti fyrir einstaklinga og heimili: Árskort gildir í 12 mánuði frá útgáfudegi. Boð á opnanir með léttum veitingum og sérleiðsögn. Afsláttur í safnbúð. Upplýsingar í prentmáli og tölvupósti. Kostur á að fara í sérstakar hópferðir með leiðsögn sérfræðinga á listasöfn erlendis. Gjöf frá Listasafninu við inngöngu í klúbbinn.

Upplýsingar um verð fyrir einstaklinga og heimili Árskort: Verð kr. Einstaklingur 3.500 Par 5.000 Eldri borgari (yfir 67 ára), öryrki, námsmaður * 2.500 Par, eldri borgarar, öryrkjar, námsmenn * 3.500 Fjölskylda (par og ungmenni 13-18 ára) ** 6.000 * Námsmenn sýni skólaskírteini við kaup á árskorti. **Ókeypis er í safnið fyrir börn 12 ára og yngri.