Við sjáum óvænt abstrakt
Leikum okkur með form, liti og frjálsa listsköpun. Listaverkin á sýningunni Við sjáum óvænt abstrakt veita innblástur.

Með Krakkaklúbbnum Krumma vill Listasafn Íslands veita börnum og fjölskyldum þeirra tækifæri til þess að njóta góðra stunda saman á safninu. Dagskráin er vönduð og öllum er velkomið að taka þátt.
Merki krakkaklúbbsins er fengið út barnabókinni Rauði hatturinn og krummi eftir Ásgerði Búadóttur myndlistarmann.

Ókeypis fyrir alla fjölskylduna.

Járn, hör, kol og kalk
Leiðsögn listamanns Leiðsögn listamanns
Á sýningunni verða ný verk eftir Þóru Sigurðardóttur. Verkin eru þrívíð og tvívíð ásamt vídeóverki og hafa ekki áður verið sýnd. Þau eru afrakstur athugana listamannsins sem ná allt aftur til ársins 1992. Uppsprettan er taktur daglegs lífs, hversdagsleg efni og rými. Yfirgefin hús. Minni efnis og eiginleikar þess, vegferð og umbreytingar. Járn, hör, kol og kalk. Lagskipting, skurðpunktar, tvívíð og þrívíð grind, regluverk. Dagatal. Vitund um þann möguleika að regla geti brostið, þyngdarpunkturinn glatast og óreiða tekið við.

Aðgangseyrir á safnið gildir.