Listasafn Íslands býður upp á skapandi og spennandi myndlistarnámskeið fyrir börn í nýja listaverkstæðinu í safninu við Fríkirkjuveg 7. Unnið verður út frá sýningum safnsins þar sem listaverkin verða rannsökuð og áhersla lögð á að þjálfa lita- og formskynjun þáttakenda, sem fá svo tækifæri til að nota ólíkan efnivið og vinna í margskonar miðla, eins og málun og skúlptúr.
Markmið námskeiðsins er að fá börn til að nálgast myndlist af meira öryggi og forvitni, þar sem kennsla fer fram bæði gegnum upplifun, samræðu og vinnu í höndunum. Í lok námskeiðs verður haldin sýning fyrir vini og fjölskyldu þar sem afrakstur námskeiðsins verður til sýnis.
Mælst er til þess að börn mæti í fatnaði sem hentar fyrir málningarvinnu, sull og gleði!
Gott aðgengi fyrir öll.
Kennari: Marta María Jónsdóttir myndlistarmaður og sérfræðingur hjá Listasafni Íslands
Námskeiðin hefjast í vikunni 6. – 10 janúar og lýkur í vikunni 1. – 4. apríl 2025
Námskeið fyrir börn 7 – 9 ára (fædd 2016 – 2018):
Námskeiðið fer fram á þriðjudögum milli kl. 15 – 16:30
Námskeið fyrir börn 10 – 12 ára (fædd 2013 – 2015)
Námskeiðið fer fram á fimmtudögum milli kl. 15 – 16:30
Hægt er að nýta frístundarstyrk fyrir námskeiðinu.
Skráningarhlekkur: https://www.abler.io/shop/frirvk/listasafn