Viðburðir

Stóð ég úti í tunglsljósi
26. apríl kl. 14–16

Listaverk Finns Jónssonar af álfum og álfadrottningu verður skoðað ásamt Óskasteinum Bjargar Þorsteinsdóttur sem finna má í Safnahúsinu. Í framhaldinu búum við til okkar eigin glitrandi óskasteina sem endast út ævina. Hvers vilt þú óska þér?

Upplestur og útgáfuhóf í lessal Safnahússins við Hverfisgötu.

Samtal við Christian Marclay í lessal Safnahússins, í tilefni sýningar á verkinu The Clock í Listasafni Íslands.

Listamennirnir Orri Jónsson og Agnieszka Sosnowska taka á móti gestum og leiða um sýninguna Nánd hversdagsins.

Fuglinn fljúgandi
10. og 24. maí kl. 14–16
Við skoðum skemmtilega fugla á sýningunni Viðnám; hvíta hrafna, þjóðþekkta lóma og hálslanga svani og málum okkar eigin fallegu fugla sem fljúga með okkur út í sumarið. Fuglasmiðjan þann 24. maí er síðasta smiðja vetrarins í krakkaklúbbnum en ný dagskrá kemur út í haust.

Sýningarstjórinn Dagný Heiðdal og forvörðurinn Ólafur Ingi Jónsson taka á móti gestum og leiða um sýninguna Ráðgátan um Rauðmagann og aðrar sögur um eftirlíkingar og falsanir.

Christian Marcley The Clock
Leiðsögn sérfræðings um hið margrómaða verk The Clock (2010) eftir svissnesk-bandaríska listamanninn Christian Marclay sem verður sýnt á Listasafni Íslands frá 2. maí til 22. júní 2025.

Hvað er klukkan?
17. maí kl. 14–16

Við veltum fyrir okkur tímanum og búum til okkar eigin klukkur sem hægt er að stilla á þann tíma sem hentar hverjum og einum. Stórar og litlar klukkur, vekjaraklukkur, úr, stofuklukkur, nýjar og gamlar, fyndnar, skrautlegar eða einfaldar.