Krakkaklúbburinn Krummi

Rannsóknarleiðangur í safninu!
Með stækkunargleri munum við labba um safnið og uppgötva listaverkin á frumlegan hátt. Beinum sjónum að smáatriðum og óvæntum atriðum sem við tökum síðan áfram í listræna sköpun. Skoðum sérstaklega verkin á sýningunni Nokkur nýleg verk.

Með Krakkaklúbbnum Krumma vill Listasafn Íslands veita börnum og fjölskyldum þeirra tækifæri til þess að njóta góðra stunda saman á safninu. Dagskráin er vönduð og öllum er velkomið að taka þátt.
Merki krakkaklúbbsins er fengið út barnabókinni Rauði hatturinn og krummi eftir Ásgerði Búadóttur myndlistarmann.

Ókeypis fyrir alla fjölskylduna.