Listasafn Íslands býður upp á skapandi og spennandi myndlistarnámskeið fyrir börn í nýja
listaverkstæðinu í safninu við Fríkirkjuveg 7. Unnið verður út frá sýningum safnsins þar sem
listaverkin verða rannsökuð og áhersla lögð á að þjálfa lita- og formskynjun þáttakenda, sem fá svo
tækifæri til að nota ólíkan efnivið og vinna í margskonar miðla, eins og málun og skúlptúr.

Markmið námskeiðsins er að fá börn til að nálgast myndlist af meira öryggi og forvitni, þar sem
kennsla fer fram bæði gegnum upplifun, samræðu og vinnu í höndunum. Í lok námskeiðs verður
haldin sýning fyrir vini og fjölskyldu þar sem afrakstur námskeiðsins verður til sýnis.

Mælst er til þess að börn mæti í fatnaði sem hentar fyrir málningarvinnu, sull og gleði! 
Gott aðgengi fyrir öll.

14. janúar – 8. apríl 2025
Tími þriðjudagar milli kl. 15 – 16:30
Aldur 7 – 9 ára (börn fædd 2016 – 2018)

Verð: 53.000 kr.
Takmörkuð pláss í boði. 


Skráning fer fram hér: https://www.abler.io/shop/frirvk/listasafn/product/Q2x1YlNlcnZpY2U6MzQ4MDM=? 

Kennari: Marta María Jónsdóttir, myndlistarmaður og sérfræðingur hjá Listasafni Íslands

Aldur 7 – 9 ára (börn fædd 2016 – 2018)

Verkstæðið – myndlistarnámskeið vor 2025

16. janúar – 10. apríl 2025
Tími fimmtudagar milli kl. 15 – 16:30
Aldur 10 – 12 ára (börn fædd 2013 – 2015)

Verð: 53.000 kr.
Takmörkuð pláss í boði. 

Skráning fer fram hér: https://www.abler.io/shop/frirvk/listasafn/product/Q2x1YlNlcnZpY2U6MzQ4MDY=? 

Aldur 10 – 12 ára (börn fædd 2013 – 2015)

Leikur að litum og lengjum
18. janúar kl. 14–16

Bókverk Dieters Roth á sýningunni Innsýn, útsýn veita innblástur að listsköpun þar sem við veltum fyrir okkur möguleikum pappírsins með það að markmiði að vefa okkar eigin pappírsverk. Í þeirri sköpun felst einnig leikur að litum, en hægt er að útbúa svarthvítt verk eða leika sér að litum.

Leikur að litum og lengjum

Krakkaklúbburinn Krummi

Tröllaleikur og leirsmiðja með Úr, Búr og Agli Sæbjörnssyni
25. janúar kl. 14–16

Skemmtilegur krakkaklúbbur þar sem við leirum tröll og tröllaskart og hlustum á upplestur Egils Sæbjörnssonar myndlistarmanns úr nýþýddri bók hans um tröllin Úr og Búr, sem eru myndlistartröll. Þjóðsagnasýningin Stattu og vertu að steini, þar sem drauga, álfa og tröll er að finna, er opin í Sýningarstofunni og þar er líka tröllahringur sem er spennandi að sjá.

Tröllaleikur og leirsmiðja með Úr, Búr og Agli Sæbjörnssyni

Hvað gerði ég í dag?  
1. og 15. febrúar kl. 14–16

Skoðum okkar eigið hversdagslíf og fáum innblástur frá ljósmyndum á sýningunni Nánd hversdagsins. Myndasöguformið verður nýtt í listsköpun þar sem ljósmyndir koma einnig við sögu. 

Hvað gerði ég í dag?

Fljúgðu, fljúgðu fiðrildi
8. og 22. febrúar kl. 14–16

Við flögrum inn í Safnahúsið, fljúgum í fallegri innsetningu Doddu Maggýjar sem ber heitið DeCore og búum svo til okkar eigin fiðrildi sem fljúga svo með okkur heim. Veltum fyrir okkur náttúrunni, symmetríu og mynstrum sem birtast okkur á degi hverjum.

Fljúgðu, fljúgðu fiðrildi

Fluga á vegg 
1. og 15. mars kl. 14–16  

Verkið Herinn sigursæli eftir Magnús Tómasson á sýningunni Innsýn, útsýn verður skoðað og fjölbreyttar, magnaðar flugur í formi skúlptúra munu spretta upp úr listasmiðjunni á verkstæði safnsins. Flugur skipta máli í heiminum og gaman er að velta fyrir sér hlutverki þeirra. Þær geta líka verið litríkar og í ýmsum stærðum og gerðum eins og við öll.

Fluga á vegg

Jöklamús – Ertu mýsla eða jurt?
8. og 22. mars kl. 14–16

Við hittumst í Safnahúsinu, förum inn í íshelli og skoðum jökla af öllum stærðum og gerðum og búum svo til okkar eigin jöklamús úr steinum, ull og þræði. Jöklamús er fallegur gróður sem safnast sólarmegin utan á steina uppi á jöklum á Íslandi.

Jöklamús – Ertu mýsla eða jurt?

Pizza Pizza – Getur dótapizza verið listaverk? 
5. apríl kl. 14–16

Við búum til skúlptúra úr fundnum hlutum þar sem við látum gamla hluti sem við erum hætt að nota breytast í áhugaverð listaverk. Í þessum krakkaklúbbi er velkomið að koma með smáa hluti, sem ekki er lengur verið að nota og vantar nýtt hlutverk. Sýning Hildigunnar Birgisdóttur Þetta er mjög stór tala — Commerzbau verður okkur innblástur, en meðal annarra gersema er þar að finna uppstækkaða dótapizzu.

Getur dótapizza verið listaverk?

Barnamenningarhátíð – Tröllin í fjöllunum
12. apríl kl. 14–16 

Við teiknum stór tröll með hinum þekkta tröllahöfundi Brian Pilkington og tökum mynd af okkur með tröllinu Tufta, sem kemur í heimsókn í stóra salinn í Safnahúsinu á Barnamenningarhátíð.

Tröllin í fjöllunum

Barnamenningarhátíð

Stóð ég úti í tunglsljósi 
26. apríl kl. 14–16

Listaverk Finns Jónssonar af álfum og álfadrottningu verður skoðað ásamt Óskasteinum Bjargar Þorsteinsdóttur sem finna má í Safnahúsinu. Í framhaldinu búum við til okkar eigin glitrandi óskasteina sem endast út ævina. Hvers vilt þú óska þér?

Stóð ég úti í tunglsljósi

Fuglinn fljúgandi
10. og 24. maí kl. 14–16 
Við skoðum skemmtilega fugla á sýningunni Viðnám; hvíta hrafna, þjóðþekkta lóma og hálslanga svani og málum okkar eigin fallegu fugla sem fljúga með okkur út í sumarið. Fuglasmiðjan þann 24. maí er síðasta smiðja vetrarins í krakkaklúbbnum en ný dagskrá kemur út í haust.

Fuglinn fljúgandi

Við veltum fyrir okkur tímanum og búum til okkar eigin klukkur sem hægt er að stilla á þann tíma sem hentar hverjum og einum. Stórar og litlar klukkur, vekjaraklukkur, úr, stofuklukkur, nýjar og gamlar, fyndnar, skrautlegar eða einfaldar.

Hvað er klukkan?

Saga Listasafns Íslands

Listasafn Íslands var stofnað í október 1884 í Kaupmannahöfn af Birni Bjarnarsyni (1853-1918), síðar sýslumanni. 

Árið 1987 fluttist safnið að Fríkirkjuvegi 7. Aðalbyggingin var reist sem íshús árið 1916 eftir uppdráttum Guðjóns Samúelssonar (1887-1950) en nýbyggingin er verk Garðars Halldórssonar (f. 1942), húsameistara ríkisins.

Listasafnið var sjálfstæð stofnun frá 1884 til 1916 er Alþingi ákvað að gera það að deild í Þjóðminjasafni Íslands. Með lögum um Menntamálaráð 1928 var safnið síðan sett beint undir stjórn ráðsins.

Verk safnsins voru til sýnis í Alþingishúsinu frá 1885 til 1950 þegar það fluttist í Safnahúsið við Suðurgötu sem það deildi með Þjóðminjasafni Íslands. Listasafnið var formlega opnað þar 1951 og hlaut fullt sjálfstæði að lögum árið 1961.

Saga safnsins

Árið 1987 fluttist safnið að Fríkirkjuvegi 7. Aðalbyggingin var reist sem íshús árið 1916 eftir uppdráttum Guðjóns Samúelssonar (1887-1950) en nýbyggingin er verk Garðars Halldórssonar (f. 1942), húsameistara ríkisins.

Starfsemi

Annað

Hafðu samband

Starfsemi

Annað