|
|
|
|
SAFNBÚÐ
Megin áhersla Safnbúðarinnar er kynning og sala á útgáfum safnsins, listaverkakortum og plakötum. Þar er fáanlegt úrval íslenskra listmuna, meðal annars skartgripir, glervörur og keramik. Opið alla daga frá kl. 11-17, lokað mánudaga.
|
|
|
|
|
|
ÍSLENSKU SAFNAVERÐLAUNIN
Félag íslenskra safna og safnmanna og Íslandsdeild ICOM (Alþjóðaráð safna) standa saman að íslensku safnaverðlaununum sem veitt eru annað hvert ár safni sem með starfsemi sinni þykir skara fram úr. TIlnefnd til íslensku safnaverðlaunanna 2010 eru Byggðasafn Skagfirðinga í Glaumbæ, Heimilisiðnaðarsafnið á Blönduósi og Nýlistasafnið í Reykjavík. Nýlistasafnið hlaut Íslensku safnaverðlaunin 2010, forseti Íslands afhenti verðlaunin við hátíðlega athöfn á Bessastöðum á Íslenska safnadaginn, sunnudaginn 11. júlí.
LISTAVERK Í EINKAEIGU
Listasafn Íslands fyrirhugar sýningu í nóvember á verkum Karls Kvaran (1924-1989) listmálara.
Vegna undirbúnings óskar safnið eftir upplýsingum um listaverk eftir listamanninn sem til eru í einkaeigu.
Eigendur listaverka eru beðnir að hafa samband við Bergsvein Þórsson á netfangið bokasafn@listasafn.is eða hafa samband við Nínu Njálsdóttur í síma 515 9600 fyrir 19. mars næstkomandi.
ÍSLENSK LISTASAGA Á 20.ÖLD - útgáfa áætluð haustið 2010
Ritun íslenskrar listasögu á 20.öld í ritstjórn Ólafs Kvaran fyrrverandi forstöðumanns Listasafns Íslands stendur nú yfir. Áætlað er að ritið komi út í 5 bindum haustið 2010. Forlagið mun gefa ritið út í samvinnu við Listasafn Íslands. Fjórtán rithöfundar koma að verkinu og tveir starfmenn safnsins. Fjallað er um íslenska myndlist frá seinni hluta 19. aldar til ársins 2000.
VERK Í EIGU LISTASAFNS ÍSLANDS
Verk í eigu Listasafns Íslands eru að finna á nokkrum sýningum sem nú standa yfir í öðrum söfnum:
KVIKA YFIRLITSSÝNING, Hafsteinn Austmann í Listasafni Kópavegs, Gerðarsafni.
FJALLASÝN, Sumarsýning á Skriðuklaustri
FORMLEGT AÐHALD - Verk Eiríks Smith 1951-1957 í Hafnarborg
MARENGS - Nýr veitingastaður opnaði 1. des. á efri hæð í safninu. Boðið er meðal annars uppá krydduð seyði, hamingju með rjóma, súpur og annað góðgæti.
Eldri fréttir
|
|
|
